Atif khan Darwaish

غزل ـ عاطف خان دروېش

•✿❁✿

ياره جنازې ته به راځې که نه؟

کټ زما په خپلو اوږو وړې که نه ؟

جام راته سم ډک کړه چې نشه شمه 

نن به درته کړمه تماشې که نه  ؟

هر ځل خو ټپې او غزل اورمه 

نن خو به سندره راته کړې که نه ؟

ليرې يې کړ پلو له مخې وې ويل 

واخله له ديدن نه مې مزې که نه ؟

سترګو سره جنګ کوې لګيا يې تل

ښخې دې په زړه کړلې چړې که نه ؟

کله يې چې د وره نه رابهر کړو سر

د زلفو په تارونو يې کړم ارې که نه ؟

هر سړى  چې راشي بس تپوس به کړي

 يه دروېشه! چرته ته هم يار لرې که نه ؟