Nasrat Arman
حال نه وتلى يم، د حال پوښتنه څه ته کوې؟
اوس نو اشنا زما د خيال پوښتنه څه ته کوې؟
د خداى لپاره نور يې مه يادوه، وسوزېدل
بيا د ګودر، چنار او ټال پوښتنه څه ته کوې؟
ساه به دې چرته ځي؟ وجود نه به دې څه جوړيږي؟
ستا پرې څه کار، د پردي مال پوښتنه څه ته کوې؟
ته ورته نه ګورې؟ حيرانه دې ښکلا ته پاتې
وه له هېندارې د جمال پوښتنه څه ته کوې؟
ته ترېنه تللې يې، خو ته يې هېره کړې نه يې
نور د ارمان د بل کمال پوښتنه څه ته کوې؟
#ارمان
Comments
Post a Comment