Mumtaz Orakzai

شاعر - ممتاز اورکزى

کتاب - د ځمکې اسمان

مخ - 47

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

خوله دې يوه ژبې دې دوې کولې

خلک ساده وو تا مـــــزې کــــولې

هغه د خولې سړى و څه خبر وم

ما ورته تل د زړه کيسې کولــــې

چې کومه لار دې سموله ځان ته

ټولې خبرې دې کږې کولــــــــــــې

ماته يادېږي خپل بې مينې ژوندون

قسم دى دښته کې مې شپې کولې

ممتازه ! ډېرې ښې خبرې وې خو

ممتازه ! ډېرې دې ترخې کولــــــې

پښتو شعرونه