Atif Khan Darwaish

غزل 

عاطف خان دروېش 

•┈┈┈┈┈•✿❁✿•┈┈┈┈┈•

نازل شوى چې په هر لوري توپـــان دى
بس زه پوهه شوم هم دغه مې جانان دى

 هسې نه چې تر کاله لمده خيشته شې
نن شپه تيره کړه بهر مه ووځه باران دى

نور څوک نشته زما دې فاني دنيا کې
صرف ته يې لاندې زمکه پاس اسمان دى

تا هېر کړې يمه خير دى زما ياد يې
جانان  نه هېرول دا زما ايمان دى

ملا وايي عشق کول هسې عبث دي
څوک چې عشق عبث ګڼي هغه شيطان دى

خلک وچېړي عاشق د يار په غم کې
درويش مه چيړئ يارانو لوى نادان دى
عاطف درویش